Gecə saatlarında Ukrayna dronları Sızran və Krasnodar neft emalı zavodlarını (NEZ) hədəfə alıb.
Bizim.Media xəbər verir ki, bu barədə Rusiya teleqram kanalları məlumat yayıb.
Sızranın qubernatoru hücumun dəf edildiyini açıqlasa da, sakinlər zavod ərazisindəki yanğının görüntülərini yayıblar.
Krasnodar diyarının Operativ Qərargahının məlumatına görə, dron qalıqlarının düşməsindən sonra NEZ ərazisində texnoloji qurğulardan biri yanıb. Yanğının sahəsi təxminən 300 kvadratmetr təşkil edib.
Zavodun işçiləri təxliyə olunub, ərazidə yanğınsöndürmə və fövqəladə xidmət qüvvələri fəaliyyət göstərir.
Qeyd edək ki, son həftələrdə Ukraynanın Rusiyadakı NEZ-lərə hücumu mütəmadi xarakter alıb. Bunun nəticəsində Rusiyada yanacaq qıtlığı və qiymətlərdə kəskin artım müşahidə olunur.
Bizim.Media
