Ukrayna ordunu bu istiqamətdə toplayır: Rusiyaya kütləvi hücum BAŞLAYIR?

Ukrayna Silahlı Qüvvələri (AFU) hərbi texnikanı Kursk vilayətinin Sudca bölgəsinə keçirir, həmçinin müdafiə hissələrini hücum bölmələrinə dəyişir.

Bizim.Media xəbər verir ki, bu barədə “İzvestiya” öz mənbələrinə istinadən məlumat yayıb.

Nəşrin həmsöhbətlərinin sözlərinə görə, Ukrayna Silahlı Qüvvələrinin əsas məqsədi Rılsk - Lqov - Kursk yoluna nəzarəti ələ keçirmək və Kursk AES-ə mümkün qədər yaxınlaşmaq olacaq.

“Ukrayna Silahlı Qüvvələri artıq bizim müdafiəmizi sınaqdan keçirməyə cəhd edib. İlk dəfəanvarın əvvəlində Bolşoy Soldatskoyeni vurdular. Hər şey uğursuz oldu, amma düşmən əsas qüvvələrini ora göndərmədi, bu, “qələm sınağı” idi. Ona görə də yaxın günlərdə və ya həftələrdə buna yenidən cəhd etməsi ehtimalı var”, - Rusiya Zabitləri Təşkilatının İdarə Heyətinin sədri, ehtiyatda olan polkovnik-leytenant Roman Şkurlatov bildirib.

Bizim.Media