“Xəsarət alan uşağın vəziyyət orta ağırdır. Vəziyyətləri ağır olan üç nəfər də hazırda Aktau şəhərindədir”.
Bizim.Media xəbər verir ki, bunu jurnalistlərə açıqlamasında səhiyyə nazirinin müavini İlqar Qasımov deyib.
Nazir müavini qeyd edib ki,yaralılardan bəzilərində kəllə-beyin travmaları və yüksək hündürlükdən yıxılma nəticəsində ağır zədələr müşahidə olunub.
Onun sözlərinə görə, bütün yaralılar tam müayinə olunacaq: “Evakuasiya riski olmayacağı təqdirdə, Qazaxıstandakı yaralılar Bakıya gətiriləcək, yaralıların durumu sabitləşəndən sonra isə onlar ambulator müalicəyə göndəriləcəklər".
İ. Qasımov bildirib ki, gün ərzində ikinci təyyarə ilə xəsarət alan digər yeddi nəfərin gətirilməsi gözlənilir.
Bizim.Media
