Türkiyənin Kırıkkale vilayətində Balışeyh bələdiyyə sədri Hilmi Şenə silahlı hücum olub.
Bizim.Media Türkiyə mətbuatına istinadən xəbər verir ki, o, yerləşdirildiyi xəstəxanada dünyasını dəyişib.
Hücum zamanı onun yanında olan sürücüsü Mikayıl Çelikkol da həlak olub, daha 2 nəfər isə yaralanıb.
Hadisə ilə bağlı bir nəfər silahla birgə şübhəli şəxs qismində saxlanılıb. Onun bələdiyyə sədrinin qohumu olduğu müəyyənləşib.
Qeyd edək ki, H.Şen bu ilin martında keçirilən bələdiyyə seçkilərində qalib gəlib. O, iyulda üzvü olduğu Yenidən Rifah Partiyasından istefa verib.
Bizim.Media
