Karlson: “Durovun Fransada saxlanması diktaturanın əlamətidir” – VİDEO

Hazırda oxunan: Karlson: “Durovun Fransada saxlanması diktaturanın əlamətidir” – VİDEO

Karlson və Kennedi arasında keçən müsahibədə Telegramın təsisçisi Pavel Durovun Fransada saxlanması və söz azadlığı ilə bağlı fikirlər paylaşılıb. Kennedi, Avropanın söz azadlığını itirdiyini və Maskın platformunu tarif edir. Bizim.Media xəbər verir.

208579

“”Telegram”ın qurucusu Pavel Durovun Fransada saxlanması diktaturanın əlamətidir”.

Bizim.Media xəbər verir ki, bu sözləri amerikalı jurnalist Taker Karlson ABŞ prezidentliyinə keçmiş namizəd kiçik Robert Kennedi ilə müsahibəsi zamanı deyib.

O bildirib ki, ABŞ prezidenti Co Baydenin administrasiyası Durovun və baş verən hər şeyin həbsini təşviq edir.

Cavabında kiçik Kennedi Takerlə razılaşaraq əlavə edib ki, Avropa artıq itirilib və orada söz azadlığı yoxdur.

Kennedi amerikalı iş adamı İlon Maskı da misal çəkib. Onun fikrincə, Mask ABŞ Demokratik Partiyasının qəhrəmanına çevrilməli idi, ancaq platforması söz azadlığına imkan verdiyinə görə o, pis insan oldu.

Qeyd edək ki, “Telegram” messencerinin təsisçisi Pavel Durov avqustun 24-də Parisin Le Burje hava limanında saxlanılıb. Yerli mətbuatın məlumatına görə, Fransa vətəndaşlığında olan iş adamı axtarışda olub.

İddialara görə, o, bir sıra cinayətlərdə, o cümlədən terrorizm, narkotik ticarəti, dələduzluq və çirkli pulların yuyulmasında ittiham olunur.

Bizim.Media