Rusiya rəsmilərinə "Telegram"da yazışmaları silmək tapşırıldı

"Telegram"ın yaradıcısı Pavel Durov Fransada saxlanıldıqdan sonra bir sıra rusiyalı məmurlara sözügedən mesencerdə rəsmi yazışmaların silinməsi tapşırılıb.

Bizim.Media xəbər verir ki, bu barədə informasiyanı "Baza" "Telegram" kanalı yayıb.

Məlumatda qeyd olunur ki, əmr Rusiya hüquq-mühafizə orqanları, hökumət və prezident administrasiyasının əməkdaşlarına gəlib. Mənbələr qeyd edir ki, belə göstərişlər Rusiya Müdafiə Nazirliyinin yüksək rütbəlilərinə və bəzi iri biznesmenlərə də verilib.

Eyni zamanda, jurnalistlərin şərh almaq üçün əlaqə saxladıqları bir çox digər məmurlar belə bir göstəriş almadıqlarını bildirsələr də, bazar ertəsi və çərşənbə axşamı keçirilən iclaslarda yuxarıların bunu tövsiyə edə biləcəyini etiraf edirlər.

Mütəxəssislər təklif edirlər ki, Fransa xüsusi xidmət orqanları Durovdan "Telegram"da kriminal cəmiyyətlə, eləcə də sanksiyaya məruz qalmış şirkətlər və şəxslərlə əlaqəli yazışmalara çıxış əldə etməyə çalışacaq.

Bizim.Media