Misir prezidenti Qəzza ilə bağlı region ölkələrinə ÇAĞIRIŞ ETDİ

Misir prezidenti Əbdülfəttah Əs-Sisi Qəzzada atəşkəs razılaşmasının əldə edilmısi üçün region ölkələrini birgə səylər göstərməyə çağırıb.

Bizim.Media xəbər verir ki, Misir prezidenti bu barədə Qahirədə Fransanın xarici işlər naziri Stefan Securnet ilə görüşündə bildirib.

“Bütün maraqlı tərəflər indi mövcud olan fürsətdən istifadə etmək üçün bir araya gəlməli və Qəzza zolağında hələ də bölgədə daha da gərginliyin qarşısını alacaq atəşkəs razılaşmasına nail olmalıdırlar”, - deyə Əs-Sisi bildirib.

O qeyd edib ki, beynəlxalq ictimaiyyət də mövcud münaqişənin köklərini aradan qaldırmalıdır:

“Və bu, yalnız müstəqil Fələstin dövləti yaratmaq və beləliklə, iki dövlət prinsipini həyata keçirməklə əldə edilə bilər”.

Bizim.Media