Belarus Respublikasının Prezidenti Aleksandr Lukaşenko bildirib ki, onun səhhətinin pis olması ilə bağlı yayılan xəbərlər doğru deyil.
Bizim.Media xəbər verir ki, bu barədə TASS məlumat yayıb .
“Artıq 25 ilə yaxındır ki, məni “dəfn edirlər”, amma ölməyə hazırlaşmıram. Allahdan yalnız bir şey diləyirəm: səhhətim belə də davam etsin”, - deyə o, bildirib.
Lukaşenkonun sözlərinə görə, 2025-ci ildə keçiriləcək seçki kampaniyası öncəsi xaricdəki rəqibləri ona hücum edir:
“Bizim qaçaqlarımız (mühacirətdə olan Belarus siyasətçilərini nəzərdə tutur – red.) da prezident seçkilərinə hazırlaşır. Deyirlər ki, pullarımı BƏƏ-də saxlayıram. Mən isə sadəcə bunu deyirəm: “əgər pulum varsa, gedin götürün”. İndi pul gizlətmək mümkün deyil”.
Bizim.Media
