Türkiyə XİN: UEFA-nın Merih Dəmiralla bağlı qərarı əcnəbilərə qarşı qərəzli münasibətin təzahürüdür

UEFA-nın Türkiyə millisinin futbolçusu Merih Dəmiralı iki oyunluq diskvalifikasiya etmək qərarı ilə əlaqədar Türkiyə vətəndaşları məyus olub və bu qərarı əcnəbilərə qarşı qərəzli münasibətin təzahürü hesab edir.

Bizim.Media xəbər verir ki, bu barədə Türkiyə Xarici İşlər Nazirliyi bəyanat yayıb. 

“UEFA-nın millimizin futbolçusu Merih Dəmiralı iki oyunluq cəzalandırdığına görə təəssüf edirik ki, ölkə daxilində və xaricdə olan bütün vətəndaşlarımızda dərin məyusluq yaradan bu qərar bəzi Avropa ölkələrində əcnəbilərə qarşı qərəzli şəkildə hərəkətə keçmə meylinin artması fikrini gücləndirdi.”, - deyə bəyanatda qeyd edilib.

Bizim.Media