Türkiyənin xarici işlər naziri Hakan Fidan Çinə səfəri çərçivəsində Urumçi və Kaşkar şəhərlərinə səfər edib.
Bizim.Media “Anadolu” agentliyinə istinadən xəbər verir ki, türkiyəli nazir Sincan-Uyğur Muxtar Rayonuna bu səfəri zamanı sözügedən şəhərlərdə yerli sakinlərlə söhbət edib.
H.Fidanın Kaşkarda gəzərkən yaşlı bir qadınla söhbəti isə xüsusilə diqqət çəkib. Qadın nazirə 80 yaşının və adının Emine olduğunu bildirib. O, naziri televizordan tanıdığını qeyd edib. Tərəflər arasında baş tutan səmimi dialoq sosial şəbəkələrdə maraqla qarşılanıb.
Bizim.Media
