ABŞ və Şimali Koreya arasında gərginlik davam edir.
"Ölkə.Az" xəbər verir ki, Rusiya müharibə ehtimalına qarşı hazırlıqları başa çatdırıb.
Rusiya Federasiyası Şurasının Müdafiə Komitəsinin sabiq sədri, senator Viktor Ozerov açıqlama verərək bildirib ki, raket hücumundan müdafiə sistemləri hazır vəziyyətə gətirilib. Buna səbəb isə Şimali Koreyanın hücum vaxtı koordinatları qarışdıraraq raketləri Rusiya ərazisinə atacağı təqdirdə fəlakətin qarşısını almaqdır.
Şimali Koreyaya yaxın olan Vladivostokda da hava hücumundan müdafiə sistemi hazır vəziyyətə gətirilib. Əgər Şimali Koreyanın atdığı raketlər səhv istiqamətdə uçarsa, ilk reaksiyanı bu bazadakı sistem verəcək.
Sakit Okean donanması isə havadan edilən hücumların qarşısını alacaq.
