Medvedevdən terrora reaksiya: "Ölümə ölüm!"

Rusiya Təhlükəsizlik Şurasının sədr müavini Dmitri Medvedev Moskvada baş verən terror hadisəsi barədə telegram kanalında paylaşım edib.

Bizim.Media xəbər verir ki, Medvedev terror aktında həlak olanların ailələrinə başsağlığı, həlak olanların bütün yaxınlarına səbir diləyib.

Onun sözlərinə görə, terrorçular ancaq cavab terrorunu başa düşürlər:

"Əgər gücə güclə, terroristlərin total edam edilməsi və onların ailələrinə qarşı repressiyalarla ölümlərə qarşı çıxılmazsa, heç bir məhkəmə və ya araşdırma kömək etməyəcək. Dünya təcrübəsi belədir".
Medvedev əlavə edib ki, əgər terrorçuların Kiyev rejiminin terrorçuları olduğu müəyyən edilərsə, onlarla və onların ideoloji ilhamvericiləri ilə başqa cür məşğul olmaq mümkün deyil: "Onların hamısı terrorçu kimi tapılmalı və amansızcasına məhv edilməlidir. O cümlədən belə vəhşiliyə yol verən dövlət məmurları da. Ölümə ölüm!" deyə Medvedev yazıb.

Bizim.Media