İran və Pakistan XİN başçıları bölgədəki gərginliyi MÜZAKİRƏ ETDİLƏR

İranın xarici işlər naziri Hüseyn Əmir Abdullahian və pakistanlı həmkarı Cəlil Abbas Cilani arasında telefon danışığı baş tutub.

Bizim.Media xəbər verir ki, bu barədə İran Xarici İşlər Nazirliyinin mətbuat xidməti məlumat yayıb.

Abdullahian bildirib ki, Ceyş əl-Ədl kimi tanınan hərəkat iki ölkənin ümumi təhlükəsizliyinə qarşı fəaliyyət göstərən terror qruplaşmasıdır.

O bildirib ki, İranın təhlükəsizliyi Pakistandan olan bu iranlı terror qruplaşması tərəfindən dəfələrlə təhdid edilib və bu qrup dəfələrlə İranda törədilən terror aktlarının məsuliyyətini öz üzərinə götürüb. 
Pakistan XİN başçısı isə qeyd edib ki, İranın təhlükəsizliyi həm də Pakistanın təhlükəsizliyidir və nə vaxt Pakistanda İrana qarşı təhlükə yaranarsa, Pakistan hökuməti ona qarşı hərəkətə keçib.

Bizim.Media