Rusiyada 70 min sayt bloklandı - SƏBƏB

Hazırda oxunan: Rusiyada 70 min sayt bloklandı - SƏBƏB

172422

Rusiyada 2023-cü ildə prokurorlar ordu haqqında saxta xəbərlər yaymaqda ittiham olunan 70 nəfərə qarşı cinayət işlərini məhkəmələrə göndəriblər.

Bizim.Media TASS-a istinadən xəbər verir ki, bu barədə informasiyanı Rusiya Baş Prokurorluğunun mətbuat xidməti yayıb.

Mənbə yazır ki, bu, Rusiya Federasiyası Cinayət Məcəlləsinin 207.3-cü maddəsi üzrədir. Ümumilikdə 135 belə “cinayət” qeydə alınıb. 79 cinayət işi məhkəmələrə göndərilib.

Baş Prokurorluğun tələbi ilə son bir il ərzində "Roskomnadzor" ordu və dövlət qurumları haqqında saxta məlumatlar olan təxminən 70 min saytı silib və ya bloklayıb.

Baş Prokurorluq hesab edir ki, saxta nəşrlərin mövzuları müxtəlif deyil. Məlumata görə, bu cür nəşrlər əsasən Ukraynadakı əməliyyatlardan, ölkədəki iqtisadi vəziyyətdən, eləcə də hökumət orqanlarının qərarlarından bəhs edir.
Bundan əlavə, 2023-cü ildə Baş Prokurorluq "Roskomnadzor"a ekstremist və terror məzmunlu məzmuna görə 19 min saytın bloklanması ilə bağlı 388 sorğu göndərib.

Bizim.Media