Dələduzlar Stalinin qohumunu soyublar – ŞÜBHƏLİ QADIN ƏLƏ KEÇİRİLDİ - FOTO

Moskvada fırıldaqçılar İosif Stalinin yaxın qohumunu, Böyük Vətən müharibəsi veteranını 3,5 milyon rubl aldadaraq soymağa çalışıblar. Bununla bağlı Leonid Alliluyevin mənzili polis tərəfindən nəzarətə alınıb.

Bizim.Media xəbər verir ki, bu haqda məlumatı "Komsomolskaya Pravda" Telegram kanalı mənbələrə istinadən yayıb.

Təqaüdçünün artıq mart ayının əvvəlində soyulduğu qeyd olunur. Təcavüzkarlar onun bank hesablarını və kartlarındakı məlumatları zorla əldə ediblər və iki milyon rubl pul çıxarıblar.

Qəzetin yazdığına görə, hadisədən sonra jurnalistlər veteranla əlaqə saxlayaraq ona mümkün olan bütün orqanlara müraciət etməyi məsləhət görüblər.

Əlavə olaraq, Alliluyevin mənzilinin yanında fırıldaqçının necə olduğuna dair notlar yapışdırıblar.

Nəticədə, bir neçə həftə sonra təcavüzkarlar təqaüdçü ilə yenidən əlaqə qurub və bu dəfə seyfdə saxlamaq bəhanəsi ilə ondan 3,5 milyon rubl verməsini tələb ediblər.

Polis veteranın mənzilində pusqu quraraq pul üçün gələn Yekaterinburqlu 33 yaşlı Anastasiya Belyankinanı saxlayıb. Qadın təqsirini etiraf edib.

Xatırladaq ki, Leonid Alliluyev Stalinin yaxın qohumudur. Anası SSRİ liderinin ikinci arvadı Nadejda Alliluyevanın bacısı olub.

Bizim.Media