İyul ayının 26-da Nigerdə baş verən hərbi çevrilişlə əlaqədar Türkiyə vətəndaşlarını bu ölkədən təxliyə etməyə başlayıb.
Bizim.Media “TRTHaber”-ə istinadən məlumat verir ki, Türk Hava yolları ölkə paytaxtı Niamey Beynəlxalq Diori Hamani Hava limanından çoxu Türkiyə vətəndaşı olmaqla 233 nəfəri təxliyə edib.
Qeyd edək ki, Türkiyənin səfirliyi, müxtəlif qurumları, Türkiyə-Niger Dostluq Xəstəxanası şəxsi heyəti, ölkədə fəaliyyət göstərən Türk şirkətlərinin Türkiyə vətəndaşı olan məsul şəxslər Nigerdə qalaraq işlərini davam etdirirlər.
Türkiyənin Niameydəki səfirliyi açıqlamasında bildirib ki, Beynəlxalq Diori Hamani Hava Limanından İstanbula gedən 635 sərnişinin əksəriyyəti Türkiyə vətəndaşlarıdır.
Bu Türkiyə vətəndaşlarının evakuasiyası demək deyil, sadəcə olaraq ölkədə müvəqqəti olan və Türkiyəyə qayıtmaq ehtiyacı olan vətəndaşlara verilən fürsətdir.
Bizim.Media
