Türkiyədə 40 dərəcə istilər bir həftə davam edəcək

Türkiyə bir həftəyə yaxın bəzi yerlərdə mövsüm normasını 4-7% keçən istilərin məngənəsində qalacaq. 

Bizim.Media “A-Haber” telekanalına istinadən xəbər verir ki, ölkənin qərbində və şimalında isə yağıntılar gözlənilir.

Ölkənin meteorologiya idarəsinin məlumatına görə, bu həftə Türkiyənin əhəmiyyətli ərazisində daha bir isti dalğası hökm sürüb. 

Egey, Aralıq dənizi və Mərmərə dənizlərinin sahillərində, eləcə də İstanbulda 40-45 dərəcə isti, 70-80%-ə qədər rütubət müşayiət olunur.

Proqnozla görə, gələn həftənin ortalarından etibarən Türkiyənin şimal və mərkəzi bölgələrində havanın temperaturunun normaya düşəcəyi gözlənilir. Lakin əksər rayonlarda avqustun 11-dək 30 dərəcə isti gözlənilir.

Sinoptiklər xəbərdarlıq edir ki, Mərmərə, Egey və qismən Aralıq dənizi sahillərində və ilin bu vaxtında termometrin 35-40 dərəcədən aşağı düşməyən cənub-şərqində küləyin sürətinin 30-60 km/saat olacağı gözlənilir. 
Bu isə təbii yanğınların meydana gəlməsinə səbəb ola bilər. 

Hakimiyyət yay aylarında Türkiyənin qərbində, cənubunda və cənub-şərqində yanğınla mübarizə aparır.

Bizim.Media