Bloger Roman Bağdasaryan ermənilərin 30 il ərzində törətdikləri korrupsiya və oğurluqlardan danışıb.
Bizim.Media xəbər verir ki, bu barədə o, özünün Telegram kanalında videomüraciət edib.
“İlham Əliyev haqlı idi” deyən bloger Azərbaycan liderinin sözlərini xatırladıb: “Azərbaycanlılar şəhərlər, ermənilər isə villalar tikir”.
“Birinci Qarabağ müharibəsindən sonra rəsmilərimiz və hərbçilərimiz özlərini əbədi qaliblər kimi təsəvvür edirdilər.
İlham Əliyev şəhərlər tikərkən, Arkadi Qukasyan Sankt-Peterburqda otellər alırdı.
İlham Əliyev şəhərlər tikərkən Bako Saakyan özünə Moskvada “Arsax” (Qarabağdakı qondarma rejimin adını daşıyır) oteli, sürücüsü üçün üçmərtəbəli saray, ticarət mərkəzi, mağazalar və ticarət obyektləri alıb.
İlham Əliyev şəhərlər tikərkən, Arayik Arutyunyan Stavropol diyarında ev, otel tikdirir, Dubay və Parisdə mənzil alırdı.
İlham Əliyev şəhərlər tikərkən Artur Ağabekyan fond açıb, pul oğurlayıb, qızlara və banketlərə xərcləyib.
İlham Əliyev şəhərlər tikərkən Robert Köçəryan oğlu Levon üçün Yunanıstanda ada, otel, yüzlərlə obyekt alırdı.
İlham Əliyev şəhərlər tikərkən Ara Abramyan “Arsax”ı gücləndirmək üçün topladığı pulu saraylarını inşa etməyə göndərib”, – deyə Bağdasaryan bildirib.
Bizim.Media
