Yeni Zelandiya hökuməti Rusiya və Belarus müəssislərinə və vətəndaşlarına qarşı yeni sanksiyalar tətbiq edib.
Bizim.Media TASS-a istinadən xəbər verir ki, bunu iyulun 21-də Yeni Zelandiyanın xarici işlər naziri Nanaya Mahuta deyib.
O bildirib ki, Yeni Zelandiya Ukraynanı dəstəkləyir və Moskvanın bu ölkədəki hərbi əməliyyatlarına töhfə verən Rusiya vətəndaşları və müəssisələrinin fəaliyyətini qınayır.
Nazirin sözlərinə görə, ukraynalı uşaqların ailələrindən ayrılması və Rusiyaya deportasiyasında iştirak edən Rusiyanın 3 vətəndaşına və Belarusun 3 vətəndaşına maliyyə məhdudiyyətləri tətbiq ediləcək.
O bildirib ki, yeni sanksiya siyahısına Rusiyanın Ukraynaya qarşı müharibə aparmaq üçün istifadə etdiyi silahlar, elektron komponentlər və texnologiyalar hazırlayan, istehsal edən və ya satın alan hərbi-sənaye kompleksinin 11 müəssisəsi də daxildir:
“Sanksiyalar Belarusun 6 müəssisəsinə, o cümlədən Rusiyaya dəstək verən maliyyə və kredit təşkilatlarına şamil ediləcək”.
Xatırladaq ki, Yeni Zelandiya Ukraynada müharibə başlayandan bəri Rusiyaya qarşı 23 dəfə sanksiya tətbiq edib.
Bizim.Media
- A-
- A
- A+
Dünya
15:34 / 21.07.2023
Yeni Zelandiya Rusiyaya 23-cü dəfə sanksiya tətbiq ETDİ
Hazırda oxunan: Yeni Zelandiya Rusiyaya 23-cü dəfə sanksiya tətbiq ETDİ
Hazırda oxunan: Yeni Zelandiya Rusiyaya 23-cü dəfə sanksiya tətbiq ETDİ
147331
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
