İranda saxta araqdan zəhərlənənlərin sayı 171-ə çatdı

Hazırda oxunan: İranda saxta araqdan zəhərlənənlərin sayı 171-ə çatdı

142202

İranın şimalında yerləşən Əlborz əyalətində alkoqoldan zəhərlənənlərin sayı 171-ə çatıb.

Bizim.Media xəbər verir ki, bu barədə informasiyanı İRNA agentliyi yayıb.

Mənbə yazır ki, bazar ertəsi səhər saatlarında 155 zəhərlənmə hadisəsi qeydə alınıb.

“Son məlumatlara görə, son 5 gündə tərkibində metanol olan araqdan zəhərlənənlərin sayı 171 nəfərə çatıb”, - deyə əyalətin Tibb Universitetinin dekanı Şəhram Sayadi bildirib.

Bir gün əvvəl əyalət hüquq-mühafizə qüvvələrinin komandanı, general Həmid Xadavənd zəhərlənməyə səbəb olan saxta araqların paylanması işi üzrə 6 nəfərin həbs olunduğunu açıqlamışdı.
Komandirin sözlərinə görə, araşdırma zamanı məlum olub ki, məhsul istehsalçıları qeyri-qanuni yollarla bədən spreyi zavodundan xarab texniki spirt əldə ediblər. Hüquq-mühafizə orqanlarının əməkdaşları zavoddan 6,5 min litr spirt götürərək müəssisəni möhürləyiblər.

Bizim.Media