Ata 17 yaşlı qızının başını kəsdi və polis idarəsinə apardı

Hindistanın Uttar Pradeş ştatında bir nəfər qızının başını kəsməkdə şübhəli bilinərək həbs olunub.

Bizim.Media xəbər verir ki, bu haqda məlumatı BBC telekanalı yayıb.

Mənbə yazır ki, Sarveş Kumar 17 yaşlı qızının kəsilmiş başı ilə polis bölməsinə gələndə tutulub.

Polisin video görüntülərindən aydın olur ki, o, qızının bir kişi ilə görüşünə qəzəblənib. 

Dediyinə görə, qızının münasibətini bu yaxınlarda öyrənib və bu, onu çox əsəbiləşdirib.

Nəhayət, onu evdə tək tapıb və iti bir şeylə başını kəsib. Yerli sakinlər onu qızının kəsilmiş başı ilə küçədə gedərkən görüblər və polisə müraciət ediblər. 

Kişi polisə deyib ki, cəsədi və qətl silahını evdə qoyaraq polis bölməsinə yollanıb.

Bizim.Media