"Meta" rekord məbləğdə cərimələndi

Hazırda oxunan: "Meta" rekord məbləğdə cərimələndi

137293

"Facebook"un ana şirkəti "Meta" Aİ-nin məlumat qanunlarını pozduğuna görə rekord məbləğdə cərimələnib.

Bizim.Media AFP-ya istinadən xəbər verir ki, bu barədə Avropa İttifaqı adından fəaliyyət göstərən İrlandiya Məlumatların Mühafizəsi Komissiyası (DPC) məlumat yayıb.

Bildirilib ki, “Facebook”un sahibi "Meta" əvvəlki məhkəmə qərarını pozaraq Aİ-nin istifadəçi məlumatlarını ABŞ-a ötürdüyünə görə 1,2 milyard avro (1,3 milyard dollar) cərimələnib.
Qeyd edək ki, DPC 2020-ci ildən bəri "Meta Ireland"ın şəxsi məlumatların Aİ-dən ABŞ-a ötürülməsini araşdırır.

Bu addıma cavab olaraq, "Meta" bəyanat yayaraq qərarın "qüsurlu, əsassız olduğunu və digər şirkətlər üçün təhlükəli presedent olduğunu" bildirib.

"Biz həm qərarın mahiyyətinə, həm də cəriməyə etiraz etmək niyyətindəyik", - "Meta"-nın qlobal məsələlər üzrə prezidenti Nik Kleq və baş hüquq işçisi Cennifer Nyustead açıqlamalarında bildiriblər.

Bizim.Media