Türkiyədəki ağır zəlzələdən zərəçəkmiş şəxslərə Azərbaycanın qardaş dəstəyi hələ də davam etməkdədir. Təkcə siravi vətəndaşlarımız deyil, həkimlərimiz də könüllü şəkildə yaralananların müalicəsi üçün Türkiyəyə yollanırlar.
Bizim.Media xəbər verir ki, bu dəfə Azərbaycan Könüllü Həkimlər Assosiasiyasının həkim heyyəti Türkiyəyə ezam olunub.
"Azərbaycan Könüllü Həkimlər Assosiasiyası həkim heyyəti ilə birlikdə Türkiyənin Kahramanmaraş şəhərində, baş vermiş təbii fəlakət ilə əlaqədar ezam olunmuşuq. Burada səhra hospitalı təşkil edərək, zəlzələdən zərər çəkmiş insanlara təmənnasız tibbi xidmət göstərəcəyik", - deyə H.Hüseynzadə paylaşımda qeyd edib.
Qeyd edək ki, həkimlərimiz bölgədə "Baykar Makina"nın ortaq sahibi Selçuk Bayraktarla görüşüblər.
Bizim.Media
