Avropa Aviasiya Təhlükəsizliyi Agentliyi (EASA) Azərbaycan, Gürcüstan, Qazaxıstan, Qırğızıstan, Moldova, Tacikistan, Ukrayna, Özbəkistan və Ermənistanın mülki aviasiyanının inkişafına kömək edəcək.
Oxu.Az-ın xəbərinə görə, bu barədə məlumat agentliyin saytında yerləşdirilib.
Məlumatda bildirilir ki, bu məqsədlə Avropa Komissarlığı Avropa Aviasiya Təhlükəsizliyi Agentliyinə 5 000 000 dollar vəsait ayırıb.
Layihəyə 2016-cı ilin fevral ayında start veriləcək və növbəti dörd il ərzində fəaliyyətdə olacaq.
Layihə çərçivəsində treninqlər, mülki aviasiyanın təhlükəsizlik menecmenti və administrasiya menecmentinin inkişafı, mövcud aviasiya sazişlərinin reallaşdırılmasına dəstək, beynəlxalq təhlükəsizlik standartları və müntəzəm harmonizasiya üzrə işlər həyata keçirilməlidir.
