“Putin Ukrayna ilə müharibədə nüvə silahından istifadə etməyəcək” – Zelenskidən PROQNOZ 

Ukrayna Prezidenti Volodimir Zelenski hesab edir ki, Putin Ukraynadakı müharibədə nüvə silahından istifadə etməyəcək. 

Bizim.Media xəbər verir ki, Zelenski bu barədə “The New York Times”ın ev sahibliyi etdiyi tədbirdə video çıxışı zamanı bildirib. 

“Mən onun (Rusiya Prezidenti Vladimir Putini nəzərdə tutur – red.) nüvə silahından istifadə edəcəyini düşünmürəm”, – deyə Zelenski qeyd edib. 
Zelenski, həmçinin, qeyd edib ki, hazırda Ukraynanın şərq, şimal-şərq və cənubunda intensiv döyüşlər gedir.  

O bildirib ki, Rusiya Ukraynanın Zaporojye vilayətində döyüşlərin getdiyi və Atom Elektrik Stansiyasının yerləşdiyi cənub ərazilərində “nə isə planlaşdırır”. 

Bizim.Media