Fransa Zəngəzurun qubernatorunu Ermənistana verməkdən İMTİNA ETDİ

Fransa Sünik (Qərbi Zəngəzur) vilayətinin keçmiş qubernatoru Surik Xaçatryanı Ermənistana təhvil verməkdən imtina edib.

Bizim.Media xəbər verir ki, bu barədə informasiyanı Ermənistan mətbuatı yayıb.

Mənbə yazır ki, Fransa məhkəməsi ekstradisiyanın Xaçatryan üçün ciddi nəticələrlə nəticələnəcəyini əsas gətirərək ekstradisiyanı rədd edib.

Qeyd edək ki, Xaçatryan 2019-cu ildən axtarışdadır. O, qiyabi həbs edilib, vəzifə səlahiyyətlərindən sui-istifadə, vəzifə saxtakarlığı, dövlətə maddi ziyan vurmaqda ittiham olunub. 

Baş Prokurorluq bildirib ki, eks-qubernator 47 milyon dollardan artıq pulu mənimsəyib. Qurum o pulun müsadirə edilməsi üçün vəsatət qaldırıb.

Bizim.Media