Türkiyədə Koza İpek qrupuna aid Kanaltürk TV-nin dövlətin nəzarətinə keçməsi və rəhbərliyinin dəyişməsinə etiraz edən nümayişçilərlə polis arasında toqquşma yaşanıb.
Moderator.az Türkiyə KİV-nə istinadən xəbər verir ki, bu gün səhər kanalın yerləşdiyi bina önündə etiraz edən kütləyə polis bibər qazı sıxıb, su şırnaqlarından istifadə edib. Binaya girməyə çalışan polislə işçilər arasında gərginlik yaşanıb. Qapıları qıraraq içəri daxil olan polis çəkiliş aparılmasına mane olub və müdaxilə nəticəsində canlı yayım kəsilib.
