Qusarın Qalacıq kəndində yanğın hadisəsi baş verib.
Bizim.Media-nın şimal bürosunun məlumatına görə, gecə 3 radələrində evin həyətindəki ot tayasından başlayan yanğın yaxınlıqdakı evə də keçib. Nəticədə ot tayası və ev tamamilə yanıb.
Hadisə yerinə FHN-nin Qusar Dövlət Yanğından Mühafizə Hissəsinin 1 avtomobili və canlı qüvvəsi cəlb edilib.
Lakin evin sahibi olan Elnur Bağırovun yaxınları yanğının qəsdən törədildiyini ehtimal edirlər. Bildirilib ki, bir müddət əvvəl naməlum maskalı şəxs Elnur Bağırovun evinə daxil olaraq həyat yoldaşı Sonaxanım Bağırovaya bıçaqla xəsarət yetirmişdi. Həmçinin bundan əvvəl də evi yandırmağa cəhd edilib.
Hazırda Qusar polisi faktla bağlı araşdırmaya başlayıb. Yanğının qəsdən törədilib-törədilmədiyi araşdırılır.
Qeyd edək ki, Elnur Bağırov yanğın zamanı evdə olmayıb.
Aytəkin Alxaslı, Bizim.Media, Şimal bürosu
- A-
- A
- A+
Cəmiyyət
10:18 / 20.09.2022
Qusarda ev yandırılıb – Araşdırma aparılır - VİDEO
Hazırda oxunan: Qusarda ev yandırılıb – Araşdırma aparılır - VİDEO
Hazırda oxunan: Qusarda ev yandırılıb – Araşdırma aparılır - VİDEO
94722
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
