"Bu kənddə, bu həyətdə, bu evdə Əbülfəz bəylə çox maraqlı, tarixi günlərimiz olub"
Böyük Quruluş Partiyasının sədri, deputat Fazil Mustafa təxminən 20 illik fasilədən sonra Kələkiyə gedib. Moderator.az xəbər verir ki, o, bu barədə Facebook-da yazıb.
"Uzun illərdən sonra bu gün Kələkini ziyarət etdim. 1994-1995-ci illərdə mərhum Əbülfəz Elçibəy Kələkidə yaşayarkən Oqtay Qasımovla evində qaldığımız və zəiyyətimizi çəkən Xumar xalanı, Kəmalə xanımı ziyarət etdik. Çox duyğusal görüş oldu. Bu kənddə, bu həyətdə, bu evdə Əbülfəz bəylə çox maraqlı, tarixi günlərimiz olub".
