Azərbaycan Ordusunun Laçın rayonunda həlak olan müddətli həqiqi hərbi xidmət hərbi qulluqçuları - əsgər Samir Xudiyev və Tahir Əliyevə şəhid statusu verilib.
Bizim.Media xəbər verir ki, bu barədə informasiya Ağstafa və Sabunçu rayon icra hakimiyyətlərindən verilib.
Qeyd edilib ki, qanunvericiliyə əsasən, hər iki əsgərimiz şəhid statusu alıb.
Xatırladaq ki, avqustun 5-də Laçın rayonunda çətin relyefli ərazidə xidməti döyüş tapşırığını yerinə yetirərkən sıldırım qayalıqlardan qopan qaya parçası Azərbaycan Ordusunun müddətli həqiqi hərbi xidmət hərbi qulluqçuları əsgər Samir Səməd oğlu Xudiyev və əsgər Əliyev Tahir Çingiz oğlunun üzərinə düşüb. Nəticədə əsgər Samir Xudiyev aldığı bədən xəsarətlərindən hadisə yerində vəfat edib.
Əsgər Tahir Əliyev isə müxtəlif bədən xəsarətləri alıb. Həkimlərin səyinə baxmayaraq onun həyatını xilas etmək mümkün olmayıb.
Tahir Əliyev Ağstafa rayonunun Şəhidlər xiyabanında və Samir Xudiyev isə paytaxtın Ramana qəsəbəsinin Şəhidlər xiyabanında torpağa tapşırılıb. Report.az-ın məlumatına görə, faktla bağlı cinayət işi başlanılıb, araşdırma aparılır.
Bizim.Media
- A-
- A
- A+
Cəmiyyət
11:33 / 15.08.2022
Azərbaycan Ordusunun Laçında həlak olan əsgərlərinə şəhid statusu verildi
Hazırda oxunan: Azərbaycan Ordusunun Laçında həlak olan əsgərlərinə şəhid statusu verildi
Hazırda oxunan: Azərbaycan Ordusunun Laçında həlak olan əsgərlərinə şəhid statusu verildi
88598
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
