Müğənni Tacir Şahmalıoğlunun qardaşı Mahir Allahverdiyevin dənizdə batmış meyitinin axtarışıları bir azdan davam etdiriləcək.
Moderator.az xəbər verir ki, bu barədə AzNews.az-a müğənninin özü məlumat verib.
Onun sözlərinə görə, axtarışlar dünən axşam saatlarına kimi davam edib. Lakin qaranlıq düşdüyündən xilasedicilər axtarışı dayandırıb: “Hazırda hadisə yerindəyik, xilasediciləri gözləyirik. Allahdan tək istəyim qardaşımın meyitinin tapılmasıdır”x9d.
T.Şahmalıoğlu bu işdə təcrübəsi olan hər kəsdən kömək istəyib: “Bizə kömək edin, qardaşımın meyitini sulardan alaq”x9d.
Qeyd edək ki, müğəninin 36 yaşlı qardaşı Mahir Allahverdiyev iyulun 31-də Novxanı çimərliyində batıb. Xilasedicilərin axtarışlarına baxmayaraq cəsədini tapmaq hələlik mümkün olmayıb.
