Mingəçevirdə 19 yaşlı qız gecə 42 yaşlı kişini qəbristanlığa çağıraraq bıçaqlayıb.
Bizim.Media-nın məlumatına görə, gecə saatlarında Mingəçevirdə 1980-cı il təvəllüdlü Nizami Şəvəndiyevi bıçaqlayaraq ağır xəsarət yetirən şəxsin 2003-cü il təvəllüdlü Tünzalə Eyvazova olduğu müəyyən olunub.
O, polis tərəfindən saxlanılaraq izahatı alınıb.
19 yaşlı qızın 42 yaşlı evli kişi ilə yaxın münasibətləri olub. Sonradan münasibətlər pozulmağa başlayıb. Tünzalə Eyvazova onu mübahisə zəminində bıçaqlayıb.
Faktla bağlı araşdırma davam edir.
Ehtiram Muradov, Bizim.Media, Mərkəzi Aran bürosu
