“Müharibə veteranlarına ödənilən müavinətin həcminə baxılacaq” – Sahil Babayev  

“Müharibə veteranlarına ödənilən müavinətin məbləği 2 il öncə 50%-dən çox artırıldı. Biz düşünürük ki, sosial ödənişlər islahatlarının daimi tərkib hissəsi kimi müavinətlərin həcminin artırılması məsələsinə də baxılacaq”.  

Bizim.Media xəbər verir ki, bu fikirləri əmək və əhalinin sosial müdafiəsi naziri Sahil Babayev Milli Məclisin bu gün keçirilən növbədənkənar iclasında səsləndirib.  

“Onların daha çox məşğulluqla təmin olunmasına diqqət yetiriləcək. Onların çoxu gəncdir. Məşğulluq marafonuna və ümumi işə düzəltmə çərçivəsində 7 min veteran işə düzəldilib, 8 mini isə özünüməşğulluq proqramlarına cəlb edilib”, - deyə Sahil Babayev əlavə edib.  

Murad Əhmədov, Bizim.Media