Moderator.az-ın verdiyi xəbərə görə, Qarabağ bölgəsində yenə güclü külək əsib. Bu dəfə külək Füzuli rayonu ərazisində, məcburi köçkünlərin məskunlaşdığı "Qayıdış 4" qəsəbəsində fəsadlar törədib. Külək yaşayış evlərinin və yardımçı tikililərin dam örtüklərini, eləcə də onlarla ağacı kökündən qoparıb.
Elektrik naqillərinin qırılması nəticəsində uzun müddət qəsəbəyə enerjinin verilməsində fasilə yaranıb. Qəsəbənin kommunal xidmətləri, demək olar kı, işləməyib. Sakinlərdən xəsarət alan olmayıb.
Əzizə Mahmudova - zərərçəkən: "İldırım çaxırdı, qalxdım ki, görüm nədir. Elə bildim ki, evin üstünə daş yağır. Sonra yoldaşım dedi ki, daş deyil, evin damını uçurur külək".
Afiq Xuduyev - zərərçəkən: "Külək burulğan kimi evlərin damını uçurub metrlərlə uzağa apardı. Toku-zadı hamısını qırıb-töküb yerə".
Küləyin vurduğu ziyan rayon fövqəladə hallar komissiyası tərəfindən araşdırılır. (Region TV)
