Azərbaycan Avtomobil Yolları Dövlət Agentliyi Beyləqan rayonunda Gödəklər-Arısu-Qəhrəmanlı-Allahyarlı-Bünyadlı avtomobil yolu əsaslı şəkildə yenidən qurur.
Bizim.Media xəbər verir ki, bu barədə Agentlik məlumat yayıb.
Məlumata görə, 7 yaşayış məntəqəsini əhatə edən 36 km-lik bu avtomobil yolu IV texniki dərəcəyə uyğun inşa olunur. Torpaq yatağının eni 9, yolun hərəkət hissəsinin eni müvafiq olaraq 6 metr təşkil edir.
Yenidənqurma işləri hazırda uzunluğu 8 km olan Allahyarlı yolu istiqamətində aparılır.
Hal-hazırda suvarma və qrunt sularının ötürülməsi üçün 10 yeni suötürücü boruların tikintisi aparılır.
“İnşaat Norma və Qaydaları”na əsasən asfaltlanma işləri bitən kimi yolboyu avtonəqliyyat vasitələrinin normal hərəkətinin təmin etmək məqsədilə üfiqi nişanlanma xətləri çəkiləcək, yol nişanlarının, zəruri yerlərdə avtobus dayanacaqlarının, km göstəricilərinin quraşdırılacaq.
Bizim.Media
