Zeynəb Xanlarovanın Nyu-York konserti anşlaqla keçib. Diasporla iş üzər Dövlət Komitəsindən ANS PRESS-ə verilən məlumata görə, Novruz bayramı münasibətilə xalq artisti Zeynəb Xanlarova Amerika Birləşmiş Ştatlarının Nyu-York şəhərində konsert proqramı ilə çıxış edib. Dövlət Komitəsinin dəstəyi ilə təşkil olunmuş proqram Nyu-Yorkun Bruklin səmtindəki “Master Theatre”x9d adlı konsert kompleksində baş tutub.
Konsert Azərbaycanın milli himninin səsləndirilməsi ilə başlayıb. “Xoş gördük, əzizlərim”x9d adlı proqramda xalq artisti Zeynəb Xanlarova on nəfərlik ansamblının müşayiəti ilə repertuarındakı ən sevilən mahnıları “Xoş gördük”x9d, Doğmasan mənə”x9d, “Anacan”x9d, “Niyə yox deyirsən”x9d, “Azərbaycan maralı”x9d, “Olmaz, olmaz”x9d, “Qadan mən alım”x9d, “Gül yanaqlım”x9difa edib.
Tədbirdə iştirak edən Bruklin rayonunun rəhbəri Erik L.Adams çıxış edərək Novruz bayramı münasibətilə azərbaycanlıları təbrik edib. Daha sonra Zeynəb Xanlarova haqqında fikirlərini bölüşən Erik L.Adams onun Azərbaycan mədəniyyətinin, muğamın təbliğinə verdiyi töhfələrı, 50 ilə yaxın Azərbaycan Opera və Balet teatrındakı fəaliyyətini, müxtəlif dillərdə mahnılar ifa edərək xalqlar arasında mədəni əlaqələrin inkişafındakı xidmətlərini yüksək qiymətləndirib. Bruklin rayonunun rəhbəri bu xidmətlərinə görə Azərbaycanın xalq artisti Zeynəb Xanlarovanı Bruklinin xüsusi mükafatı ilə təltif edib.
Nyu-Yorkda Qafqaz Yəhudilərinin Mərkəzi Cəmiyyəti, eyni zamanda bir sıra Azərbaycan diaspor təşkilatları da Azərbaycan mədəniyyətinin təbliğində və mədəniyyətlərin birləşməsində göstərdiyi xidmətlərinə görə Zeynəb Xanlarovaya mükafat və diplomlar təqdim edib.
Konserti izləyən tamaşaçılar arasında ABŞ-ın bir sıra şəhərlərindən gəlmiş azərbaycanlı, türk, yəhudi və digər xalqların nümayəndələri olub. İki saat yarım davam edən konsert Zeynəb Xanlarovanın “Birlik”x9d mahnısı ilə başa çatıb.
