“Hesablama Palatasının apardığı auditlər nəticəsində, bir sıra qurumlarda ciddi maliyyə pozuntularının olduğu aşkara çıxıb”.
Bizim.Media xəbər verir ki, bu fikirləri millət vəkili Vahid Əhmədov Milli Məclisin bu gün keçirilən plenar iclasında səsləndirib.
Deputat fikirlərinin davamında qeyd edib ki, rəylərdə də göstərildiyi kimi, bir sıra məsələlərdəki problemlər hər il hesabatlarda öz əksini tapır:
MÖVZU İLƏ BAĞLI:
Milli Məclisdə TƏKLİF: “Faiz dərəcələrini aşağı endirək, cərimələri ləğv edək”
“İnvestisiya sahəsindəki problemlər, dövlət satınalmaları məsələsi, tenderlərin şəffaf aparılmaması, audit yoxlamalarında hesabatlılığın az olması başlıca problemlərdir”.
Vahid Əhmədov dövlət büdcəsinin icrası məsələsinə ildə bir neçə dəfə baxılmasının əhəmiyyətindən də danışıb:
“Biz büdcənin icrasını ildə bir dəfə müzakirə edirik, lakin zaman keçdikcə burada bir sıra problemlər yaranır. Hesablama palatası ilə birlikdə büdcə icrasına bir neçə dəfə baxılması vacibdir”.
Murad Əhmədov, Bizim.Media
