Bakıdan Şuşaya may ayı üçün bilet satışı yoxdur. “Yolumuz Qarabağa” portalı vasitəsilə bilet axtarışında növbəti ay üçün gediş-dönüş bileti ilə bağlı məlumatlar yerləşdirilməyib.
Söyləntilərə görə Şuşada keçiriləcək Dünya Azərbaycanlılarının V Qurultayı və Şuşa festivalı ilə əlaqədar hələlik bilet satışı dayandırılıb.
Məsələ ilə bağlı Bizim.Media-ya açıqlamasında Rəqəmsal İnkişaf və Nəqliyyat Nazirliyinin mətbuat katibi Pərvanə Əliyeva bildirib ki, bilet satışı dayandırılmayıb:
“May ayının biletləri yaxın günlərdə satışa çıxarılacaq”, - deyə qurum rəsmisi əlavə edib.
Xatırladaq ki, yanvarın 24-dən etibarən Bakı-Şuşa, Bakı-Ağdam, Əhmədbəyli-Şuşa, Bərdə-Ağdam istiqamətlərində şəhərlərarası müntəzəm avtobus marşrutları istifadəyə verilib.
Reyslər Əhmədbəyli-Şuşa marşrutu üzrə həftədə 4 dəfə, digər istiqamətlər üzrə isə 2 dəfə olmaqla təşkil edilir.
Bilet satışı onlayn qaydada “Yolumuz Qarabağa” portalı vasitəsilə həyata keçirilir. Sərnişinlər gediş və qayıdış biletlərini əvvəlcədən eyni vaxtda sifariş edirlər.
Alçina Amilqızı, Bizim.Media
- A-
- A
- A+
Cəmiyyət
12:16 / 20.04.2022
Şuşaya bilet satışı DAYANDIRILIB? – Nazirlikdən AÇIQLAMA
Hazırda oxunan: Şuşaya bilet satışı DAYANDIRILIB? – Nazirlikdən AÇIQLAMA
Hazırda oxunan: Şuşaya bilet satışı DAYANDIRILIB? – Nazirlikdən AÇIQLAMA
70551
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
