Bakıda çoxmərtəbəli yaşayış binasındakı yanğın söndürüldü - YENİLƏNİB/VİDEO

Bakıda çoxmərtəbəli yaşayış binasında baş verən yanğın söndürülüb. 

Bizim.Media xəbər verir ki, bu barədə Fövqəladə Hallar Nazirliyinin (FHN) Mətbuat Xidmətindən məlumat verilib. 

Bildirilib ki, FHN-in Dövlət Yanğından Mühafizə Xidmətinin yanğından mühafizə bölmələrinin çevik müdaxiləsi nəticəsində yanğın qısa müddət ərzində məhdudlaşdırılaraq söndürülüb. 

Qeyd edək ki, paytaxtın Xətai rayonu, Xətai prospekti 38 ünvanında çoxmərtəbəli yaşayış binasının 6-cı mərtəbəsində ümumi sahəsi 60 m² olan 2 otaqlı mənzilin 1 otağında ev əşyaları yanıb.

12.39 ***

Bakının Xətai prospektində yerləşən hündürmərtəbəli binalardan birində yanğın hadisəsi baş verib. 

Bizim.Media xəbər verir ki, bu barədə görüntülər sosial şəbəkələrdə yayımlanıb. 

Hadisə yerinə yanğınsöndürmə dəstələri cəlb edilib. 

Bizim.Media