Masallıda mikroavtobusu ilə minik avtomobili toqquşub, yaralılar var.
Bizim.Media-nın Cənub bürosunun məlumatına görə, hadisə rayonun Qarğalıq kəndi ərazisində baş verib.
Masallının Seybətin ərazisindəki kərpic zavodundan işçilərini evə aparan mikroavtobus "VAZ" markalı avtomobillə toqquşub.
Mikroavtobusda olan Qədirli kənd sakinləri, 1971-ci il təvəllüdlü Salayeva İlhamə Malik qızı, 1977-ci il təvəllüdlü Camalova Südabə Frut qızı və 1980-ci il təvəllüdlü İslamova Günel Beytulla qızı müxtəlif dərəcəli bədən xəsarətləri alıblar.
Yaralılar təcili Lənkəran Rayon Mərkəzi Xəstəxanasına çatdırılıblar.
Faktla bağlı araşdırma aparılır.
Bizim.Media
