Yeni Azərbaycan Partiyasının İdarə Heyətinin və Siyasi Şurasının üzvü, partiyanın Səbail rayon təşkilatının sədri, riyaziyyatçı alim, pedaqoq, pedaqoji elmlər doktoru, professor Zahid Qaralov dünən 81 yaşında müalicə aldığı Almaniya klinikalarının birində insultdan dünyasını dəyişdi.
Məhşur "91-lər"in daha bir nümayəndəsi, əməkdar elm xadimi, professor Şahlar Əsgərov Zahid Qaralovu Moderator.az-a açıqlamasında aşağıdakı kimi xarakterizə etdi:
"Zahid Qaralov hər gün, hər həftə, hər il hünərlərlə zəngin, milli və dövləti hadisələrlə dolu şərəfli, namuslu bir ömür yaşadı. Böyük insan, böyük vətənpərvər, nadir ziyalı idi Zahid Qaralov. Dəyərli alim, örnək şəxsiyyət, pedoqoji elmin patriarxı idi Zahid Qaralov. Sağlam düşüncəli, təəssübkeş dost idi, səmimi insan idi Zahid Zaralov.
Allah Zahid Qaralova rəhmət eləsin."
