Ağcabədidə qaçırılan “ASAN Xidmət” əməkdaşı tapıldı

Hazırda oxunan: Ağcabədidə qaçırılan “ASAN Xidmət” əməkdaşı tapıldı

64779

Ağcabədidə qaçırılan 30 yaşlı qadın tapılıb.

Bu barədə Bizim.Media-ya Daxili İşlər Nazirliyinin (DİN) Mətbuat Xidmətinin Bərdə regional qrupundan bildirilib.

"Mart ayının 7-də Laçın rayon sakini Tutu İbrahimovanın qaçırılması ilə bağlı Laçın Rayon Polis Şöbəsinə müraciət daxil olub.

Müraciətlə əlaqədar polis əməkdaşları tərəfindən keçirilmiş intensiv əməliyyat-axtarış tədbirləri nəticəsində T.İbrahimovanın olduğu yer müəyyən edilərək tapılıb və RPŞ-ə gətirilib.

Fakt üzrə Laçın RPŞ-də cinayət işi başlanılıb. Cinayət əməlini törətməkdə şübhəli bilinən şəxs və ya şəxslərin saxlanılması istiqamətində tədbirlər davam etdirilir", - deyə vurğulanıb.

Qeyd edək ki, T.İbrahimova “ASAN Xidmət” Mərkəzinin əməkdaşıdır. Onun anası Sahibə İbrahimova qızının yaxın qohumluq əlaqələri olan Qeys Cabbarov adlı şəxs tərəfindən qaçırıldığından şübhələndiyini bildirmişdi.

Bizim.Media