Son bir həftədir şəhərdaxili sərnişin avtobuslarının intervalında gecikmələr artıb. Xüsusilə, bu problemə əhalinin ictimai nəqliyyatdan ən sıx istifadə etdiyi pik saatlarda daha çox rast gəlinir.
Bu barədə Bizim.Media-ya bir neçə sərnişin şikayətlənib. Dediklərinə görə ən çox gecikmə 20 Yanvar metrosu istiqamətindən Arxiv idarəsi (Ayna Sultanova heykəlinin yanı – red.) yaxınlığına hərəkət edən 2 saylı "Baku Bus" avtobuslarında müşahidə edilir. Yaşlı, uşaqlı sərnişinlər saatlarla dayanacaqda avtobus gözləmli olurlar.
MÖVZU İLƏ BAĞLI:
Bakıda ekoloji avtobusların istifadəyə verilməsi niyə ertələndi? – RƏSMİ Açıqlama
Sərnişinlərin sözlərinə görə, son günlər avtobus 15-20 dəqiqə intervalla çalışır. Bu gün isə marşurutun gecikməsində pik nöqtə yaşanıb. Səhər saatlarınsa sərnişinlər 2 saylı “BakuBus” marşurutunu S.Vurğun bağı yaxınlığındakı dayanacaqda 45 dəqiqə gözləməli olublar.
Məsələ ilə bağlı Bizim.Media-ya açıqlamasında Bakı Nəqliyyat Agentliyinin mətbuat katibi Mais Ağayev 2 saylı marşurutun gecikmə səbəbini şəhərdəki tıxıcla əlaqələndirib.
Onun sözlərinə görə həmin marşurutdakı gecikmə sırf yollardakı sıxlıqla bağlıdır.
Qeyd edək ki, 2 saylı “BakuBus” avtobusunun intervalı 5-6 dəqiqə aralığındadır.
Alçina Amilqızı, Bizim.Media
