Şahmat üzrə 13-cü dünya çempionu, bakılı Qarri Kasparovun anası Klara Kasparova vəfat edib.
Bizim.Media xəbər verir ki, bu haqda şahmatçı Twitter-də yazıb.
"Anam Klara Kasparovanın ölümünü dərin kədər hissi ilə elan edirəm. Mənim rol modelim, ən böyük müdafiəçim, müdrik məsləhətçim və indiyə qədər tanıdığım ən güclü insanı itirdim. Səni sevirəm ana" deyə Kasparov qeyd edib.
Rusiya Şahmat Federasiyası rəsmi saytında Kasparova başsağlığı verib.
Klara (Aida) Şaqenovna Kasparova avtomatika və telemexanika üzrə mühəndis olub. Bir tədqiqat institutunun elmi katibi vəzifəsində çalışıb, lakin 1981-ci ildə (Harry 18 yaşında) özünü tamamilə oğlunun karyerasına həsr etmək üçün işini tərk edib.
Hər yerdə onu müşayiət edib və əsas sirdaşına çevrilib. Klara Kasparova Qarrinin dünya çempionu olmasına və bu titulu 15 il saxlamasına kömək edib.
Qeyd edək ki, Qarri Kimoviç Kasparov 13 aprel 1963-cü ildə Bakı şəhərində anadan olub. Şahmat üzrə beynəlxalq dərəcəli qrossmeysterdir. 11 dəfə "Şahmat Oskarı"nın sahibidir.
Atası Kim Moiseyeviç Vaynşteyn milliyətcə yəhudi, anası Klara Şaqenovna Kasparyan isə ermənidir.
Babası Moisey Rubinoviç Vaynşteyn keçən əsrin 40–50-ci illərində Azərbaycan SSR-də tanınmış mədəniyyət xadimi, bəstəkar və dirijor olub.
Bizim.Media
