Lənkəranda toy karvanında avtoxuliqanlıq edənlərdən ikisi məsuliyyətə cəlb olunub.
Moderator.az avtosfer.az-a istinadən xəbər verir ki, Baş Dövlət Yol Polisi İdarəsinin şöbə rəisi, polkovnik Kamran Əliyev bildirib ki, bir neçə gün əvvəl yayımlanan videoda görünən “VAZ-2107”x9d markalı, 90 MZ 703 və “VAZ-2106”x9d markalı, 42 BJ 942 dövlət nömrə nişanlı avtomobillərin sürücüləri barəsində inzibati protokol tərtib olunub:
“Bu videoda sosial şəbəkələrdə 2014-cü ilin aprelində yayılsa da, bu hadisə 2013-cü ilin aprelində baş verib. Qeyd olunan hər iki avtomobilin sürücüsü avtoxuliqan kimi məsuliyyətə cəlb olunub. Bununla bağlı onlara protokol yazılıb. Videodan da görünür ki, orada maşınlar çoxdur. Yol polisi bu vəziyyətdə nə edə bilərdi? Onlar yol polisinin yanından keçib gedəndən sonra təhlükəli hərəkətlər edirlər. Hətta həmin vaxt yol polisi əməkdaşları toy karvanındakı maşınlardan birini hərəkətdən kənarlaşdırıb. Onların hamısı cəzalandırılıb. Bir nəfər sürücülük vəsiqəsi olmadan avtomobil idarə edirmiş, onu da cəzalandırıblar. İki nəfər isə məhkəmənin qərarı ilə avtoxuliqan kimi məsuliyyətə cəlb olunub”x9d.
Qeyd edək ki, videoda görünən 90 MZ 703 dövlət nömrə nişanlı avtomobili idarə edən şəxsin həmin gün toyu olub.
