Bakıda özünə ad günü keçirən məktəb direktoru Nailə Məmmədova cərimələnib.
Bizim.Media-ya Daxili İişlər Nazirliyindən daxil olan məlumata görə, Bakı şəhəri 187 nömrəli tam orta məktəbin direktoru Nailə Məmmədovanın doğum günü məclisi təşkil etməsi ilə bağlı videomateriallar yayılandan sonra qurumun əməkdaşları dərhal araşdırmalara başlayıb və fakt təsdiqini tapıb.
Nailə Məmmədova başda olmaqla məclisdə iştirak edən bir neçə nəfər barəsində İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsilə protokollar tərtib edilib.
Məclisin digər iştirakçılarının da müəyyən edilməsi üçün tədbirlər davam etdirilir.
Qeyd edək ki, Təhsil naziri Emin Əmrullayev məktəb direktoruna şiddətli töhmət verib.
Bizim.Media
