Lənkəran məktəblilərinin hazırladıqları "ağıllı çəkmələr" hər kəsin marağına səbəb olub.
Belə ki, rayonun Boladi kəndində yerləşən Nahir Axundov adına 1 nömrəli tam orta ümumtəhsil məktəbinin şagirdləri əsgərləri minadan qorumağa kömək edən "ağıllı ayaqqabı" layihəsi hazırlayıblar.
MÖVZU İLƏ BAĞLI:
Lənkəranlı məktəblilərdən unikal LAYİHƏ: Mina aşkarlayan “ağıllı çəkmə” – FOTO
Bizim.Media xəbər verir ki, şagirdlərin Baku TV-yə bildirdiyinə görə, hazırladıqları çəkmələr döyüş zamanı əsgərin təhlükəni əvvəlcədən hiss etməsinə kömək edir.
"Bizim yaratdığımız çəkmə əsgəri minadan qorumaq üçün nəzərdə tutulub. Döyüş zamanı əsgərin diqqəti əsasən döyüşə yönəldiyi üçün ayağının altını yoxlaması çətin olur. Buna görə mina detektorunu ayaqqabının alt hissəsinə yerləşdirmişik. Əsgər addım atmadan əvvəl təxminən 6-8 sm məsafədə ayağının altında olan metal və ya minanı müəyyən etmək mümkündür", - şagirdlərdən biri bildirib.
Qeyd edək ki, bu layihə "Sabahın alimləri" XV Respublika layihə müsabiqəsində qızıl medal qazanıb.
Daha ətraflı süjetdə:
Bizim.Media
