Qaradağda FACİƏ: Xidməti vəzifəsini yerinə yetirən FHN əməkdaşı həlak oldu - VİDEO

Salyan rayonundan cəlb olunan yanğınsöndürən, xidməti vəzifəsi zamanı faciə ilə üzləşib.

Bizim.Media-nın yerli bürosu xəbər verir ki, hadisə Ələt–Astara magistral yolunun Qaradağ rayonu ərazisində baş verib.

FHN əməkdaşları yanan yük avtomobilinə müdaxilə edən zaman, hərəkətdə olan nəqliyyat vasitəsi FHN əməkdaşı 43 yaşlı Hakim Piriyevi vuraraq öldürüb. Salyan rayonunun Xocalı kənd sakini, 37 yaşlı Tağıyev Elşən İnsanağa oğlu isə müxtəlif dərəcəli xəsarətlərlə Salyan Rayon Mərkəzi Xəstəxanasına yerləşdirilib.

Mərhum Hakim Piriyev Nəftçala rayonunun Şorkənd kənd sakini olub, 20 ilə yaxın müddətdə FHN-də xidmət göstərib. Vida mərasimi Şorkənd kənd qəbiristanlığında keçirilib.

Mərasimdə FHN rəhbərliyi, rayon ictimaiyyəti, kənd sakinləri və mərhumun yaxınları iştirak edib, nazirlik adından əklil qoyulub.

Hakim Piriyev ailədə üç övladdan biri olub, iki azyaşlı övladı var.

Faktla bağlı araşdırma aparılır.


Sabutay, Bizim.Media, Cənub bürosu.