Böyrək daşları niyə qışda daha çox əmələ gəlir?

Qışın gəlişi ilə sağlamlıq problemlərində maraqlı bir artım müşahidə olunur. Bu, yalnız qrip və ya soyuqdəymə deyil, gözlənilməz bir problem də daha tez-tez rast gəlinir: böyrək daşları.

Mütəxəssislər qış aylarında böyrək daşı əmələ gəlməsinin əhəmiyyətli dərəcədə artdığını bildirirlər. Kəskin ağrılar onsuz da oturaq olan mövsümi həyat tərzini bir az da çətinləşdirir.

Uroloq, dosent Nadir Alpay son illərdə böyrək daşı hallarının hətta yeniyetmələr arasında da artdığını vurğulayıb:

“Bunun əsas səbəbləri qış aylarında kifayət qədər su istehlakının olmaması, oturaq həyat tərzi, duzlu və emal olunmuş qidaların həddindən artıq qəbul olunmasıdır. Daha az tərləmə olduğundan susuzluq hissi azalır, sidik qatılaşır və daş əmələ gəlməsi asanlaşır”.

Həkim tövsiyə edir ki, qışda su içmək çətin olsa da, günə ən az 3 stəkan su içilməli, turşuların qəbulu azaldılmalıdır.

Şəfiqə Şəfa Bizim.Media