Lənkəranda işıqlar niyə söndürülür?

Lənkəran şəhərinin 1-ci və 2-ci mikrorayonlarında yaşayan sakinlər elektrik enerjisinin kəsilməsi ilə bağlı çətin vəziyyətlə üzləşiblər.

Bizim.Media-nın yerli bürosu xəbər verir ki, artıq iki gecədir işıqlar gecə saat 00:00-dan sonra söndürülür.

Bina sakinlərinin sözlərinə görə, qış mövsümündə elektrik enerjisinin verilməməsi mənzillərdə istilik sistemlərinin dayanmasına səbəb olur. Bu hal xüsusilə qocalar, xəstələr və körpə uşaqların yaşadığı ailələr üçün ciddi problemlər yaradır.

Sakinlər qeyd edirlər ki, hazırda rayon ərazisində yağışlı hava şəraiti müşahidə olunsa da, hər hansı güclü külək və ya təbii fəlakət qeydə alınmayıb. Buna baxmayaraq, elektrik enerjisində yaranan fasilələrin səbəbi ilə bağlı rəsmi açıqlama verilməyib.

Sabutay, Bizim.Media, Cənub bürosu